குவைத்தில் கட்டிடத்தில் ஏற்பட்ட தீ விபத்தில் உயிரிழந்த 45 இந்தியர்களின் உடல்களை ஏற்றிச் சென்ற இந்திய விமானப்படையின் சிறப்பு விமானம் வெள்ளிக்கிழமை கொச்சி சர்வதேச விமான நிலையத்தில் தரையிறங்கியது.
குவைத்தில் இருந்து கேரளாவுக்கு வெள்ளிக்கிழமை அதிகாலை விமானம் புறப்பட்டது. காலை 10:30 மணியளவில் கொச்சி சர்வதேச விமான நிலையத்தில் தரையிறங்கியது.
இதற்கிடையில், கொச்சி விமான நிலையத்திற்கு வந்த கேரள முதல்வர் பினராயி விஜயன், இந்த சம்பவத்திற்கு காரணமானவர்கள் மீது மத்திய அரசு உரிய நடவடிக்கை எடுக்கும் என்றும், உயிரிழந்த இந்தியர்களின் குடும்பங்களுக்கு இழப்பீடு வழங்கப்படும் என்றும் நம்பிக்கை தெரிவித்தார். .
