அயோத்தியில் உயர்பாதுகாப்பு பகுதியில் அமைந்துள்ள பக்தி பாதை மற்றும் ராம் பாதையில் நிறுவப்பட்ட ரூ.50 லட்சம் மதிப்பிலான 3,800 மூங்கில் மற்றும் 36 புரொஜெக்டர் விளக்குகள் திருடப்பட்டதாக போலீஸார் செவ்வாய்க்கிழமை தெரிவித்தனர்.
அயோத்தி மேம்பாட்டு ஆணையம் வழங்கிய ஒப்பந்தத்தின் கீழ் விளக்குகளை அமைத்த யாஷ் எண்டர்பிரைசஸ் மற்றும் கிருஷ்ணா ஆட்டோமொபைல்ஸ் நிறுவனத்தின் பிரதிநிதி ஆகஸ்ட் 9 ஆம் தேதி அளித்த புகாரைத் தொடர்ந்து ராம ஜென்மபூமி காவல் நிலையத்தில் எஃப்ஐஆர் பதிவு செய்யப்பட்டது.
“ராம்பாத்தில் 6,400 மூங்கில் விளக்குகளும், பக்தி பாதையில் 96 ப்ரொஜெக்டர் விளக்குகளும் நிறுவப்பட்டுள்ளன. மார்ச் 19 வரை அனைத்து விளக்குகளும் இருந்தன, ஆனால் மே 9 அன்று ஆய்வுக்குப் பிறகு, சில விளக்குகள் காணாமல் போனது கண்டுபிடிக்கப்பட்டது.
“இதுவரை சுமார் 3,800 மூங்கில் விளக்குகள் மற்றும் 36 புரொஜெக்டர் விளக்குகள் சில அறியப்படாத திருடர்களால் திருடப்பட்டுள்ளன” என்று நிறுவனத்தின் பிரதிநிதி சேகர் சர்மா புகாரில் தெரிவித்தார்.
எஃப்ஐஆர் படி, நிறுவனம் மே மாதத்தில் திருட்டு பற்றி அறிந்தது, ஆனால் ஆகஸ்ட் 9 அன்று புகார் அளித்தது.
இந்த விவகாரம் தொடர்பாக எப்ஐஆர் பதிவு செய்யப்பட்டுள்ளதாகவும், விசாரணை நடைபெற்று வருவதாகவும் போலீஸார் தெரிவித்தனர்.
ஜனவரி 22 ஆம் தேதி புனித நகரத்தில் ராமர் கோவில் கும்பாபிஷேக விழாவை முன்னிட்டு அயோத்தி ஒரு பெரிய திட்டத்தின் கீழ் புதுப்பிக்கப்பட்டது.
